" .. لاش ديس أسّنّي، لا تزاليط، لا أزومي! أمانتّا ئمازيغن أيولون، دؤلا دينينّي ئعَمْرَن عمانغ غرسن سنّت العادات، نَــنّوميــتَنْتْ :
- تامزوارت: أين ضادْران ن منّاوْ لمّاعين ، مناوْ ئكروتَن، دِ يجْديدَن -خاصّة- ئنايَنْ: شارض ئضغاغن ئنَتْمودا غَفسَن بَكْري، باش أديلين نّايَن،  دِ يجْديدن. باش أدييلي ؤسڤّاسَنّغ دامبارش .
- أما فّايَد سنّت: تفاسكا ن ينّار، نتّوغ نتمودا شخشوخا، باش أدييلي اسڤّاسنّغ مْشَخشَخ. أما ئلانو ئمجورا، نتمودا دْ الرّفيس .
- ميمي الرفيس ؟ أماغر: أرفاس، س تمازيغت، أين داخلاض، دانَوّعْ .
- شتاين الرّفيس، دئڤ ؤمودي، يڤ ييشّا، ديسْ: ئردن – أمان– تيسَنْتْ- تاسَمّي (لخميريّت). ساغا ديفوّر، رنّيناس: تامَمت - ؤُدي - تلوسّي  – الزبيب – تازدلت. (دْواسي غرس، ئرنّياس تيبَشّيشين ن ويسوم يَشوا، قّـــارْناس: شّانيف) نَسڤضّاعيت سُوغي أدَردور، دَفـــــرَس لاتاي، ديغزّيتن: كاوكاو – بلبالي – اللوز – الجوز – البندق – الفستق – ئباون ؤرْفن ... _ أوَن ئغزيتَن قّارناسن: "لَمخلط" – ڤاع أمّو، باش أسُڤّاسَنغ، أيّولو، أدْيِيلي، دِيد شْرا ئوحْدِيَنْ، ديس يغلب الخيرات .

منقول بتصرف عبد الرحمن حواش  ، موقع آت مزاب